يظهر يختفى
يقطف زهور الشباب
يزرع حرايق
يشوه خلايق
يبنى حصون الخراب
يدس السم
يفرق ما يلم
يقفل ع الحريه الباب
اللهو الخفى
يظهر يختفى
يقلع عيون الولاد
نلعب كوره
يلعب معانا
يدفن حلمنا جوه استاد
يطوف الشوارع
يقلق المضاجع
يزلزل جدران البلاد
يخلق فوضى
يشعل جمره
ينشر فى الأرض فساد
اللهو الخفى
يظهر يختفى
اشباح تطوف ميادين
يشعل اقسام
يُفك اللجام
لبلطجيه ومساجين
يخنق بُكره
يزرع فتنه
تطرح سم دنيا ودين
اللهو الخفى
يظهر يختفى
واحنا نيام فى العسل
ولا شايفينه
ولا سامعينه
نحسه فى اللى اتقتل
الشلل صابنا
الغبا امتلكنا
ودخلنا نوبة هطل
واللهو الخفى
يظهر يختفى
يا ترى حقيقه ولا هبل
د نمله ولا جمل
د حصوه ولا جبل
حقيقه ولا خبل
اكيد دى غفوه
وحتما دى غفله
وموت فى العسل
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
مدونة حلمنا
مدونة ماي تكنولوجي
تقنيتي
برامج كوم
أساحبى كوميكس 
اسم المدونة
المحترف الصغير ا 
كن محترف
مدونة عماد الرافعي
ليست هناك تعليقات:
إرسال تعليق